Повик за учесници и волонтери за Џифони Македонија 2025
Од 26 септември до 1 октомври, Скопје повторно ќе биде домаќин на 13-тото издание на Филмскиот фестивал Џифони Македонија. Како и секогаш, фестивалот носи незаборавна атмосфера исполнета со филмови, работилници, дружење и инспиративни средби.
Џифонци – членови на меѓународното жири
Секое издание на фестивалот ги обединува младите љубители на филмот кои стануваат дел од уникатното Џифони искуство. Пријавувањето е отворено за ученици од основно и средно образование, поделени во три возрасни категории:
- Јуниори – ученици од VI до IX одделение
- Кадети – ученици од I и II година средно
- Сениори – ученици од III и IV година средно
Пријавите се отворени до 15 септември 2025 или до пополнување на достапните места.
Џифони волонтери
Зад фестивалската магија секогаш стојат нашите волонтери. Доколку имаш над 18 години и сакаш да бидеш дел од организацијата и одблиску да ја почувствуваш атмосферата на фестивалот – пријави се како волонтер.
Рокот за пријавување е 15 септември 2025, а бројот на места е ограничен.
Следете нѐ на Instagram, Facebook и TikTok за сите новости и бидете дел од искуството што трае цел живот.