Филмска работилница; „ФИЛМСКИ КОЛАЖ – филмски курс за средношколци“
во соработка со МАШИНА ПРОДАКШН
Во периодот на преминот од воспитание-образование кон професионална определба, честопати младите индивидуи се наоѓаат на крстопат и не можат јасно да ја изберат својата животна професионална насока. ФИЛМСКИ КОЛАЖ e филмски курс за средношколци чии интерес е насочен кон филмската уметност, можност за соочување со факултетските наставни единици и реалната професионална пракса, и тоа пред да влезат во кругот на филмскиот свет.
ONE TAKE ВИДЕО
Работилница на која учесниците ќе осмислат и подготват сценарио и кореографија за снимање на забавен видео клип во еден единствен кадар низ просториите на МКЦ, кој потоа самите ќе го снимаaт и монтираат.
АНИМАЦИЈА
Работилница за техниките на анимацијата. Учесниците со едноставни апликации и својата богата имагинација ќе имаат можност да создадат кратки анимирани филмови.
ФИЛМСКА МАСКА И ШМИНКА
Работилница на која се учат основите на професионалната филмска маска и шминка и на која се откриваат тајните на големите мајстори на филмаската шминка и специјалните ефекти.
СЦЕНАРИО И КРЕАТИВНО ПИШУВАЊЕ
Вовед во вештините на креативното пишување: од краток текст до создавање на сценарио за краток филм. Вашата засебна креативност и инвентивност играт најголема улога во создавањето на оригинални и неочекувани сценарија.
КОСТИМОГРАФИЈА
На оваа работилница се разгледуваат тајните на дизајнирањето и креирањето на театарски костим, но и значењето на костимот, фризурата, шмимнката и сите други стилски детали при создавањето на карактерот на еден театарски лик.
ТЕАТАРСКА РАБОТИЛНИЦА
Оваа работилница се стреми кон поттикнување на младите учесници да го изразат својот талент и да ја разбудат својата фантазија и креативност. Крајната цел е на младите да им се пренесат убавините на театарот и уметноста.
МУЗИЧКА РАБОТИЛНИЦА
Работилница која им нуди на младите да се запознаат со повеќе музички инструменти и да ги испробаат своите неоткриени таленти. Ќе се откриваат тајните кои се кријат позади создавањето на музика.
ЛИКОВНА УМЕТНОСТ
Фокусот на оваа работилница е на уметницхки ликовни креации инспирирани од животната средина, а учесниците ке имаат голема слобода при изразување на својата имагинација.
MОТИВИРАЧКИ ВЕШТИНИ
Во соработка со младинска организација S.H.A.R.E. на оваа работилница ќе се споделат основните сознанија за начините за себеспознавање, како појдовна точка во процесот на поттикнување на промени, прво кај себеси, па потоа во светот околу нас.